最近吳文忻義務擔任葉青霖推出的攝影集DVD模特兒，該DVD的收益將撥捐福幼基金會。其間吳文忻以兩個造型出現，包括民族女郎以及絲巾纏身，實行瞓地做索女！
攝影師葉青霖在九○年曾推出《葉青霖攝影實錄》錄影帶，事隔十三年，他將於本周推出《葉青霖數碼攝影劇場》DVD，並邀得吳文忻和歐陽妙芝擔任模特兒，錢嘉樂則任導演，其女友李珊珊亦從旁協助。
吳文忻早前在葉青霖位於天后的影樓內拍攝，當日她拍了三個小時，並以兩個造型出現，其中一個為民族look，她頭戴飾物和身穿tubetop上陣，露出小蠻腰。在另一輯造型中，她躺在地上，僅以兩幅絲巾纏繞着全身，頗為性感。
由於該DVD的收益將撥捐福幼基金會，所以吳文忻只象徵式收取車馬費，日前她在鯉景灣接受訪問時說：「做善事冇乜所謂啦，況且葉生影得好，我都好滿意，用絲巾遮身嗰輯相，我都有着衫仔同短褲打底。影完輯相之後，重要拍一條片，講吓覺得葉生點，我話葉生係個工作一絲不苟嘅人，樣樣嘢執到正，但葉生嘅缺點係佢令我笑，佢個樣好仁慈，望住佢就會笑。」
此外，葉青霖日前在電話中說：「我呢次搵咗兩個女仔做model，吳文忻喺室內，歐陽妙芝就拍室外，成個DVD係以劇場式嘅手法去拍。最尾嗰段重搵咗梁家輝、鄭裕玲同葉童幾位嘉賓，講吓我嘅優點同缺點㖭。」
採訪：朱芷瑩
