容祖兒、Twins、鄭希怡、Boy'Z與吳浩康，昨日出席尖沙嘴美麗華酒店舉行的《2003全球華人新秀歌唱大賽》記者會。昨日剛巧是祖兒生日，所以大會特別送上蛋糕為她慶祝，出席歌手更獻上香吻恭賀祖兒生日，當吳浩康錫祖兒時，祖兒忍不住大叫：「好呀！正呀。」
祖兒被問到張栢芝透露自己送了一個心給她時，祖兒說：「送咗個心畀我，佢咪冇咗條命，有心就得啦。」問到她可知栢芝向楊受成道歉一事？祖兒表示：「其實我嗰晚都好唔得閒，要招呼朋友，所以我係睇唔到同聽唔到佢哋做乜同講乜。」
此外，鄭希怡邀請了在上海的老師來港教唱歌，她說：「佢會留喺度兩個星期，因為我覺得佢教得好好，所以我自掏腰包請佢嚟，我十幾歲就跟佢學唱歌。」
採訪：胡比
攝影：陳偉權