我覺得馬刺下季衞冕嘅機會不大，始終佢哋冇一名穩定嘅外圍射手，就算柏加、保雲嘅表現都係一般。下年我認為小馬、湖人同網隊三隊有機會挑戰冠軍。
雖然大衞羅賓遜退休，但係有鄧肯咁穩定嘅球員在陣，只要後場嘅真路比利同柏加保持水準，馬刺仍然會係大熱門之一。
馬刺下季當然唔樂觀，因為我係湖人躉，今季都係因為奧尼爾季初受傷影響球隊發揮，下季湖人打得好少少，冠軍一定非湖人莫屬。
馬刺都有機會爭標，但形勢上有隱憂。下年馬刺嘅雙塔拆夥，西岸嘅小馬同帝王有機會取而代之，不過呢兩支球隊嘅球員都好年輕，仍有進步空間。