瑞典富豪汽車近年厲精圖治，除推出有多款新車如S60及XC90等等外，同時亦有為旗下現有型號推出新版本；而繼廠方於較早前為S80豪華房車推出Facelifted新版後，最近又有外國傳媒報道，話廠方正有意為旗下嘅S40車系推出新一代版本，以吸引更多車迷。
從預想圖中可以睇到，新一代富豪S40嘅造型將會與現有S60車系，一樣來得既成熟又富豪邁感，其中車首設計及尾燈組合，就最能將兩者相近之處表達出來；另外，該消息又指出，新款S40嘅車廂鋪排，會與早前廠方所展出嘅VCC概念車相近，但一切仍有待廠方公布進一步資料後，方可作實。由於新車將會與福特Focus共用底盤，故此兩者機械配搭亦會頗為相近；各位對新版富豪S40有興趣嘅車迷，就要記住留意新車推出日期喇！