自從萬事得代理運嚟新款M62.3型號後，除外間有唔錯反應之餘，銷量更直線上升，亞Mark最想唔到會係呢款萬事得M6車系，唔單止四門或五門Hatchback型號受歡迎，就連部SportWagon亦一樣備受追捧㖭！唔知係咪代理想乘勝追擊關係，亞Mark剛打探到消息，話代理正準備引入配有全副A-Spec規格嘅M6特別版抵港，既有全車包圍、車身兩邊裙腳同尾定翼，又有Low-Down避震跟大口徑嘅專用跑車胎軨組合。
最難得係呢部車一身裝備合乎車廠驗證規格，就算揸住部車出街，都唔怕俾警察哥哥誤會你部車非法改裝啦！若然你都有興趣想擁有一部咁有型，又富辛辣味嘅房跑車的話，就不妨落去Showroom打探一下啦！