鄭裕彤以私人公司周大福名義收購城巴，《蘋果》標題話「鄭裕彤大晒」，查實彤叔買咗新巴同城巴，只係喺港島大晒，九龍嗰邊重有九巴。不過，昨日佢個乖仔鄭家純，聲言「收購埋九巴」，實行「大三巴」！
話說鄭家純昨日繼續為陳年舊事在高院打官司，告新鴻基公司違反合約。辯方律師話九六年七月五日，聯合集團前主席李明治同埋佢個仔李成煌見鄭家純之時，李成煌只係做咗新鴻基董事兩日，無可能知道純官同新鴻基前主席馮永祥嘅協議內容。
純官即刻反駁：「梗係唔係啦，好似最近我買新巴……九巴……城巴，我同佢（英國公司）簽約之前已經做晒調查工作，今時今日我重未係城巴董事，但係啲嘢已經清楚晒。」雖然佢講到有啲亂龍，但又駁得幾好喎。
至於九巴嗰句，純官可能個心真係想連九巴都收購埋！查實八方覺得最可圈可點係「最近我買城巴」，好明顯係反駁外界話彤叔唔再信佢，改為扶植第三代嘅講法。
傳真︰2623-9278
電郵︰