好多人話要男女平等，不過香港男人愈嚟愈冇定企，已經係不爭嘅事實，只係估唔到連新聞處都要踩多腳。
任職會計嘅陳小姐噚日打電話去香港電台《千禧年代》投訴，話攞咗兩張政府免費派嘅「香港心意傳萬里」明信片（圖），一睇之下，明信片上面印咗十三個市民嘅樣，當中九個係女人，剩番嗰四個男性，都係老人家同小朋友，搞到連身為女人嘅陳小姐都睇唔過眼，究竟啲男人去晒邊？
負責設計明信片嘅新聞處解釋，明信片嘅設計意念，係早前外國傳媒登親香港嘅相都係戴晒口罩，𠵱家笑容再現，所以揀相就揀笑得靚嘅，無留意男定女。咁講法，八方就知點解啲男人唔見晒，又負資產，又失業率八點三，尤其啲一家之主嘅男人又點笑得出吖！
傳真︰2623-9278
電郵︰