黎姿的祖父是「電影之父」黎民偉，父母自幼對黎姿極力栽培，並安排她參加很多課外活動，如跳舞和拉小提琴等。但黎姿原來是牛王妹一名，她試過與胞弟打架爭玩具，竟施展「天殘腳」踢胞弟落床，令胞弟懷疑腦震盪入院，幸好沒有大礙。
黎姿出身自電影世家，祖父是「電影之父」黎民偉，由於黎姿是家中掌上明珠，所以父母自幼都對她加以栽培，如學習舞蹈和拉小提琴等。
黎姿說：「我細個學好多嘢，例如拉小提琴同跳舞。每次家庭聚會，媽咪就要我帶埋小提琴去，然後安排我喺大家面前表演，其實我當時真係好驚，不過好彩表演完之後，親友都畀好多掌聲鼓勵我。」
黎姿可覺因為自幼的培訓，現在可以大派用場？她說：「都有幫助嘅，好似𠵱家拍電視劇《鳳舞香羅》時，我都要唱歌跳舞。」
黎姿自言小時候是「牛王妹」，她上學時很乖，亦很留心上課，但平時跟胞弟和表兄們相處，即搖身變為「牛王妹」，常常與他們爭玩具。
黎姿最記得一次跟胞弟在嬰兒床大戰，她施展「天殘腳」踢了胞弟落床，她說：「記得我當時只得幾歲，因為見到細佬爬上床同我爭玩具，我咪發小姐脾氣，唔理咁多一腳『申』走細佬，點知佢真係企唔穩，成個倒後，重撞到個後腦，當時媽咪發現後好緊張，即刻帶咗細佬去醫院睇醫生，細佬懷疑腦震盪重要留院觀察。」
黎姿表示那次母親雖沒有怪責她，但她自己卻深感內疚，自此之後便與胞弟相親相愛，黎姿笑說：「其實可能全靠我『申』細佬一腳，佢個腦震一震，𠵱家即刻好醒，讀書又叻。」
採訪：比華利
