八方噚日聽聞寶光實業主席黃子明已於周日逝世，有點欷歔。年輕一輩可能對這位年逾八十歲嘅老人家不太熟識，但佳寧置業、精工表、寶路華、金島潮洲酒家，重有小河馬，全與黃家有關。
非常尊敬黃老先生的「金牌莊家」詹培忠對八方話，黃在潮州普寧出生，四、五歲舉家往泰國，最初做眼鏡生意，字號叫「黃賢記」，旁邊一間做表嘅，叫通成。後來回港創立通成表廠，做表帶，六十年代已可每日賺兩萬；六四年取得日本精工表代理權。
第三仔黃創山，於七、八十年代創立精工隊，稱雄球壇；長子黃創保搞寶路華隊，可惜名氣不及精工。七五年，他與詹一同創辦金島潮洲酒家。
黃子明七十年代有兩間上市公司，分別係寶光及美漢，七九年將美漢賣予陳松青，成為眾所周知嘅佳寧置業。詹翁話黃老係一個非常好嘅人，做事認真，九十年代在泰國搞地產，旗下嘅曼谷置地上市時，市值一度超過當時嘅長實呢。
傳真︰2623-9278
電郵︰