日本巨胸軍團YellowCab旗下嘅花旦中，MEGUMI真係好把炮，唔係嘅話，鬍鬚社長野田義治，都唔肯放手畀MEGUMI自己監製啱啱出版嘅全新性感寫真集《Petunia》喇！
MEGUMI早排已經好自豪咁話，今次本寫真集由攝影師到服裝都係自己話晒事，不過，我羅拉揭開本書，睇落同佢以往嘅寫真分別不大，都係喺陽光海灘下拍吓比堅尼性感照，最特別都係同隻馬喺叢林度影相囉。不過睇真本寫真集入面嘅性意識，其實同心理學家佛洛依德嘅理論好啱嘴形。
喺佛洛依德所處嘅維多利亞年代，社會上以傳統禁慾主義為尚，瀰漫住道德偽善、壓抑人性嘅風氣，佛洛依德嘅性解放觀點，同MEGUMI喺寫真入面擺出一啲好大膽嘅動作一樣，都可以話係對時代嘅反叛。
姑勿論水着女星MEGUMI有冇咁嘅意圖，相信佢嘅男fans買呢本寫真集，都係想欣賞一下呢位偶像嘅超激身材啫！