張慧儀疑被未婚夫拉丁舞王霍紹裘掌摑，令不少圈中人震驚，當年曾被丈夫姜皓文毆打的金慧英聞訊後即說：「打人就梗係唔啱啦。」而跳舞出身的陳小春對霍紹裘涉嫌打女人甚感不屑，更直斥這個舞王「影衰」他。
昨日傳出張慧儀被曾離婚的拉丁舞王未婚夫霍紹裘掌摑的消息，圈中人聞訊後議論紛紛，當年曾被男友姜皓文痛毆的前亞視女藝員金慧英，亦曾有此不幸經歷，但她終與姜皓文開花結果，對於張慧儀被打一事，作為過來人的她亦不禁為對方抱不平。
金慧英昨日接受本報電話訪問時說：「外人睇唔到發生乜嘢事，始終唔係親身經歷，外人講咁多嘢只會令件事惡化，但打人就梗係唔啱啦，邊個郁手都唔啱。」問她會否替慧儀難過？金慧英只說：「我乜都唔知，亦都唔識佢，唔方便講。」回想當年她曾被姜皓文毆打，金慧英說：「人生有高低好多經歷，呢啲係經歷嘅一部份，大家都會長大嘅。」
而陳小春昨日到將軍澳出席電影宣傳活動，對於曾經同屬中國星的張慧儀疑被未婚夫掌摑一事說：「姑勿論點都好，男人點可以打女人，跳拉丁舞㖭，唔好提個舞字，影衰埋我。」小春稍後會在汪明荃的演唱會上跳拉丁舞，有記者問他會否跟霍紹裘學藝，小春即不屑地說：「我使唔使跟佢學呀？你叫佢跟我學就差唔多，打女人！」
另一方面，任達華昨日於海港城出席活動時聞事件亦愕然地說：「唔係吓嘛？幾時發生㗎？大家跳舞咋？慧儀男友應該好錫佢㗎﹗我同佢合作《我和殭屍有個約會》，佢做我女友，佢個人好好，好nice。」而在銅鑼灣時代廣場出席港台活動的江華，被問到對張慧儀被毆打一事會否感愕然時卻說：「冇乜愕然嘅，兩個人相處梗會有啲爭執，應該冷靜啲。」
此外，張慧儀的圈中好友張文慈，竟對慧儀被掌摑一事全不知情，她在電話中說：「佢冇打過電話畀我，佢𠵱家咁唔開心，我諗過兩日等佢平復番啲，我都會打畀佢。」
採訪、攝影：朱芷瑩、馮美茵、胡比、王連連、駱華齡
