由張婉婷和羅啟銳執導的抗炎電影短片《玫瑰送給誰》，昨日在沙田威爾斯親王醫院門外拍攝，除了影帝黃秋生外，更出動了飛行服務隊及直升機，以及威院一班醫生和護士演出，宣揚香港互助互愛精神。
由張婉婷和羅啟銳導演合拍「1：99電影大行動」的抗炎短片之《玫瑰送給誰》，昨日在沙田威爾斯親王醫院門外進行拍攝，演員除有黃秋生和一名四歲半的小朋友Jacky及張同祖外，還有八十名臨時演員，當中包括威爾斯親王醫院的醫生及護士，為求逼真，他們更出動了飛行服務隊及直升機，令場面更熱鬧。不過由於直升機租用時間所限，短片尚未拍完，便要趕着收工，令導演有點無奈。
導演羅啟銳表示會拍攝兩條短片，分別為一分鐘及兩至三分鐘，大約會於下月中交給政府。問羅啟銳可會入威院8A病房？他說：「唔會啦！聽聞都好勁，同埋都會阻到人，我哋只係會喺走廊拍。」秋生在片中飾演醫護助理，他笑說：「即係執垃圾囉！我唔係病人，但會係英雄。」
昨日父親節，問秋生可有收到兒子的禮物？他說：「收晒啦！一早收晒，好多幅畫。應該日日都係父親節，唔好教個仔話一年只得一日父親節，係就死啦，唔得㗎嘛！」
秋生又透露其子更親自弄了個蛋糕給他，秋生說：「嘩，難食到不得了！我嗌佢唔好整到好似隻色碟咁，睇到都唔想食！不過個底就做得幾好嘅。」
採訪：陳梅香 攝影：甄朝健
