四代同堂慶父親節
楊受成最大心願盼其龍成家

昨日父親節，楊受成舉家四代同堂十多人，往金鐘太古廣場「夏宮」午膳慶祝。楊受成表示每年父親節都盡量留港以便全家一起度過，他又表示希望兒子楊其龍早日成家立室，了結心願。

楊受成昨日四代同堂一家十多人包括母親、妻子、子女及孫兒，往金鐘港島香格里拉酒店的「夏宮」午膳慶祝，他表示多年來的父親節都盡量不會出埠，以便能一家人同度佳節。

孫兒拉住唔放
問楊受成收到甚麼父親節禮物？他說：「唔使啦，呢餐仔女畀，呢度都好貴㗎啦。」昨日所見，楊受成女兒楊諾思的子女十分活潑，不時拉着外公不放，問楊受成會否希望二女兒黛思早點生BB？他笑說：「梗係好啦，如果Gilbert（兒子楊其龍）結埋婚就重好。」
午膳完畢後各人分頭活動，楊受成與妻子陸小曼則往名店Gucci購物。再問他對旗下藝人謝霆鋒默認與女友王菲復合一事，有何看法？他說：「我唔知呀，佢嘅私事我唔理嘅。」但對霆鋒與梅艷芳傳姊弟戀一事，他的口風則堅決得多說：「我諗唔係真嘅，係作出嚟嘅啫。」
楊受成又大讚霆鋒說：「佢乖咗好多，以前佢好不羈，𠵱家就對事業緊張咗好多。」他又透露前日曾往養和醫院探望患上肺氣腫的「富豪風水師」陳伯，他說：「陳伯禮拜一或者禮拜二會由深切治療部轉去私家病房，醫生話佢已經脫離危險時期。」
採訪、攝影：RitaLeung