港股上周五以大成交破旗，本來今個禮拜好大機會挑戰1萬點，但可惜美股當晚消費者情緒指數出乎市場預期差，杜指跌79點，收9117，納指更跌1.6%，收1626。加上世衞未有取消北京旅遊警告，上周偷步炒這個消息的中資股，可能會借機獲利回吐。
港股今日若回落，9RSI背馳的形態可確認，亦可視為升近3月頂部9892受阻，但近期市底強，恒指可能跌至短期降軌9766或5日線9730已有支持，恒指未確認跌穿250日線9594之前，不可輕言說淡。
港股現時十分難玩，特別係趙飛雲呢類錯失先機的散戶，高追驚中招，唔追又驚愈買愈貴，但經驗所得，股市機會常在，寧放過亦唔好買錯，特別趙飛雲好炒輪，好淡市皆有出擊機會，所以未搵到牛市主題前，唔會隨便大舉入市，只會順勢炒上落。
今日恒指估計會低開，若見回落至9738至9770水平跌唔落，可小注恒指Call輪9711，博恒指發力衝破1萬點。另一方面，若港股展開較大調整，首個訊號是10日線9681失守，跌穿可小注恒指Put輪9715，博恒指跌至20日線（現處9473），甚至回補9505至9313的裂口。
其實港股近期升勢太急唔健康，回頭調整三幾百點只係清熱劑，不會破壞走勢，更有利後市發展。
趙飛雲