蕭正楠（Edwin）童年在大欖涌水塘附近的懲教署宿舍長大，每日兩兄妹四出遊玩踩單車，捉草蜢等，依時返家，十分乖巧。反而有一次Edwin和表弟去朋友家，他的表弟不慎打碎玻璃枱，為怕遭父親責罵而嚇餐死！
入行以來被冠以「鄰家男孩」稱號的蕭正楠，現實生活中的他亦一樣親切，童年時的他更是十分精乖，沒有一般小孩的頑皮，甚少被父母責怪，Edwin整個童年只受過父母兩次體罰，原來一切全因他「自律」。
Edwin日前表示童年時一家生活在大欖涌水塘附近的懲教署宿舍，他每日都會帶較他年輕五載的妹妹出街遊玩，他說：「我哋細個都好無憂無慮，好似卡通片《龍貓》入面嗰對姊妹咁，每日出去踩單車，捉吓草蜢，放吓狗，又或者同隔籬屋啲小朋友一齊玩大富翁，總之夠鐘我哋就會準時返屋企食飯。」
被小朋友冠以「燒雞」花名的Edwin，原來偶爾也有調皮的時候，他就曾試過搞惡作劇整蠱鄰家女孩，嚇到對方哭起來，他笑說：「我哋成班男仔一早攞錄音機錄咗一啲扮鬼聲，跟住我哋打畀個女仔叫佢上嚟打遊戲機，等到佢嚟嘅時候，我哋成班匿喺床下底度播帶，個女仔都未入房，一聽到啲鬼聲就嚇到喊，重即刻走咗。」
Edwin的父親一向只以訓話教導他們兩兄妹，但亦曾向他施以兩次體罰，不過Edwin表示已經忘記了父親為何餵他「藤條燜豬肉」。但令Edwin有深刻印象的反而是另一件事，他說：「我有日帶我表弟去朋友屋企玩，點知佢拎住對啞鈴，打碎人哋張玻璃枱，但十幾年前一塊玻璃都成五百幾蚊，好貴㗎，爹哋雖然冇鬧我哋兩個，只係冷笑咗一聲，但諗番都好驚！」 採訪：馮美茵
