趙頌茹（阿Yu）昨日出席父親節活動，陳冠希（Edison）到場獻花以示支持。不過阿Yu表示雖與Edison是好友，但絕不會視他為男友，因她希望男朋友要像其貌似劉松仁的父親。
趙頌茹和師弟李逸朗昨日在旺角新世紀廣場出席「FatherLovesYUForever」父親節活動。
Edison昨日專誠到場獻花給阿Yu，問阿Yu會否考慮Edison當男友或跟對方結拜？她說：「佢都OK喎，呢個年紀都冇問題，但我哋只係好朋友。至於結拜就唔會啦，𠵱家係二○○三年，時代都唔同晒啦，總之我好尊敬佢，因為佢都幫我好多嘢，所以我平時都會叫佢做大佬㗎。」
昨日是父親節，阿Yu表示沒準備禮物送給爸爸，但會抽空跟他吃晚飯慶祝。阿Yu說：「其實我今朝早已經同阿爸睇咗一陣電視，我已經覺得係慶祝嘅其中一部份，因為我入行以嚟都冇乜時間陪佢。」
阿Yu更表示其父貌似劉松仁，她笑說：「我第時搵男朋友，都要搵個好似我爹哋咁有男人味、咁善良嘅，而且要畀我食住佢嘅，就算佢有三、四十歲都唔緊要。」
Edison則透露昨晚會與父親食飯慶祝，但由於近日忙於拍戲，故無暇選購禮物。他說：「由於媽咪同大家姐都唔喺香港，所以我一定要陪爹哋食飯，禮物我就會遲啲補番畀佢。」Edison還大讚阿Yu歌藝進步不少，因此特別抽空到場支持。
採訪：李珮洳攝影：仇志德
