三點式誘人 深圳男士昅到實<br>任港秀唔敢NG怕睇蝕

三點式誘人 深圳男士昅到實
任港秀唔敢NG怕睇蝕

任港秀在新片《陰陽路十九之我對眼見倒》中有性感演出,她早前在深圳小梅沙,穿上三點式拍攝,其間不少男士駐足觀看。為免尷尬,任港秀就盡量減少NG,希望把拍攝時間縮短。

任港秀、王合喜和雷宇揚等人,近日拍攝了電影《陰陽路十九之我對眼見倒》。任港秀已是第二次參與《陰陽路》系列的拍攝,她表示拍攝這類恐怖片沒有特別禁忌,只是若在日間拍攝會較好,因為夜晚的氣氛會變得緊張。該片將於周四上映。

神出鬼沒
問任港秀在戲中飾演一個怎樣的角色,她昨日在電話訪問說:「我扮一名神秘女子,經常神出鬼沒,於是觀眾睇起嚟就會以為我係鬼,其實我個角色只係搞氣氛。」其中一場戲,任港秀在深圳小梅沙的海灘穿上三點式泳衣拍攝,大晒豐滿的身材。
任港秀表示拍攝時,因為一身性感打扮,吸引現場不少男士行注目禮,她說:「我覺得深圳途人嘅眼光好怪,佢哋真係會望到你實一實,同香港嘅途人唔同。為免尷尬,我惟有盡量避免唔好NG,快啲拍完快啲收工,減少自己嘅尷尬。」

瑜伽健身
不過任港秀說:「我都有一排冇着泳衣拍戲,但遇到劇情需要,我都會唔介意着泳衣上陣。」為了這次穿三點式泳衣,任港秀事前可有做任何keep弗準備,她說:「冇呀,我平時都成日keep弗,我最鍾意游水同健身,近排重學人玩瑜伽,呢啲運動都可以鍛煉體態。」 採訪:比華利

入面有啲嘢喎!

點解畀人睇都唔畀我睇?

雷宇揚(右一)亦有份參演《陰》片。