灣仔星光之夜第二炮活動將於今日灣仔分域街與柯布連道的一段駱克道舉行，繼續推介駱克道的酒吧及食肆給市民。今日嘉年華會嘅主題係「夏日熱浪嘩啦啦」，嘉年華會舉行期間，該路段會禁止車輛駛入，場內會設有四十多個美食攤位及手工藝攤位。開放時間由早上10時至晚上10時，記得到場幫手推動本港經濟呀。
今日同父親大人一齊去新都城中心，就可以同一班《黑白森林》演員包括鍾欣桐、陳小春、杜汶澤和黃浩然一齊慶祝父親節。到時眾星會同現場觀眾大玩遊戲同簽名，另外更有簽名海報贈送，名額只限50位，先到先得，另外今日只要喺新都城中心購物滿$300或以上(兩張不同商戶之即日發票計)，更可參加遊戲一次，有機會贏取《黑白森林》電影換票券兩張或電影海報一張。同樣都係名額有限，先到先得，想要就要早啲去排隊喇。
地點：新都城中心二期L1天幕廣場
時間：下午2:30至3:30
查詢電話：27500031
荷里活廣場今日將會舉行一個名為「開心6月演唱會」嘅父親節節目，除咗有本地音樂人林一峰演繹多首其親自作曲的作品外，杜雯惠重會主持「父親節點唱時段」，給現場觀眾一個即場點唱憑歌寄意嘅機會。另外於父親節當晚在荷里活廣場任何食肆享用晚膳滿$200，更會獲贈精美相架一個及神秘禮品一份。咁多節目又有禮物送，今日父親節一於去荷里活廣場慶祝啦。
時間：下午3時至5時
查詢電話：21188811
父親節可以同父親飛上天慶祝！只要喺今日去德福廣場或青衣城累積消費滿$2,000(必須最少有兩間不同店舖發出的收據，而且每張不少於$100)，憑商戶機印發票登記，首100名登記者可獲得維港直升機觀光券兩張(原價$660)，可以讓你和父親一齊飛上天度過一個難忘父親節。
查詢電話：27500877/21867284
個個禮拜都會喺維園舉行嘅《FARM》，今個星期當然繼續成為潮人熱點啦，今日重有啤梨(葉文輝)、DoubleR、張茵，連同SITEACCESS、CHOKE、SONICTEMPLE、拾豆豆、野良犬、AUDIOTRAFFIC、TAXIDRIVER、WINDMILLS、SCI_等本地樂壇新勢力現身音樂會，絕對係年輕人星期日嘅好節目。
《唱好FARM音樂會》
時間：下午1時至6時
地點：銅鑼灣維多利亞公園噴水池側（即皇室堡對面）