四十八歲的阿明，擁有一身黝黑的肌膚，然而，這卻非健康的象徵，全因他患有嚴重的糖尿病及腎病所致。「𠵱家個樣同幾年前簡直係兩個人，成個人瘦咗兩個碼，膚色變得又黃又黑，照鏡睇見都俾自己個樣嚇親。」
阿明因家族遺傳，患有糖尿病已有十多年，最初病情對他的生活並沒有構成太大的影響，阿明如常上班工作，從事搬運一職，亦可勝任。可是直至半年前，阿明的病情急轉直下，出現腎病，自此身體每下愈況，大部份時間在醫院度過。
獨身的阿明歎道：「可能自己粗心大意，一直以嚟都冇乜戒口，所以搞到個糖尿病愈嚟愈嚴重，𠵱家重有埋腎病，每日都要洗腎。」
剛剛出院的阿明，現依賴家務助理員照顧起居飲食，惟他的心裏卻另有打算。「一來搵家務助理送飯唔係咁化算，二來假期佢哋又冇服務，長遠嚟講，我都係要自己煮。不過，𠵱家我連雪櫃、電飯煲都冇，根本冇得搞。」
由於阿明剛調遷不久，舊屋殘舊的家具、雪櫃及電飯煲並沒有搬來新居，惟現時他沒有經濟能力購買，盼獲善心人捐助。「𠵱家我冇能力工作，都係靠綜援金生活，平日都好繃繃緊，真係冇多餘錢。」
蘋果日報慈善基金日前已轉送由邦威冷氣工程公司捐贈的全新電飯煲給阿明，但仍欠缺睡床及雪櫃，有待善長援手。
捐款編號：C0985
暖流熱線
電話：29908688
傳真：23702192
電郵：
網址：