唔少人都話日本啲廣告勝在夠誇張好笑，我羅拉都幾認同㗎，以我所知，𠵱家喺日本最多人談論嘅廣告，就係靚女伊東美咲幫日清拍嘅杯麵廣告，勝在夠不文嘛！
着住套OL制服嘅伊東，喺廣告入面自創咗一個五指向下插吓插吓嘅手勢，睇到唔少男人心癢癢。個古仔其實係話伊東同兩個男同事一齊搭𨋢，咁前面兩個男人突然做個好似炒飯咁嘅手勢，提議放工後去打牌，企喺後面嘅伊東即刻搭嘴，屈曲雙腳、五隻手指不斷向下插，然後話：「今晚又係呢個啦！」
其實，伊東嘅手勢係扮杯麵啲湯流出嚟嘅情況，但係伊東咁嘅手勢同對白，明顯故意令人諗埋啲衰嘢啦！
聽講呢個廣告一出街，個手勢竟然成為新嘅模仿潮流，人人一邊鬧佢玩不文，一邊又學佢喎！重有雜誌逐格重播，介紹要點樣郁隻手至正斗，真係該煨！
此外，模特兒出身的伊東，近日更以自己的乳名「mimi」出品首飾及時裝。