陳慧嫻、黃凱芹、張敬軒、李克勤和環球新人陳苑淇前晚到將軍澳電視廣播城錄影《勁歌金曲》。
早前有傳《勁歌》將換主持，陳松伶會被飛，前晚松松說：「我未聽過喎，如果要換都唔可以話唔好嘅，不如問番監製。我初初嚟做嘅時候都冇講實做幾耐，要換人有新鮮感，我覺得無可厚非嘅。」
而李克勤拖着陳苑淇出場合唱《合久必婚》時，忽然忘記歌詞，被主持林曉峰取笑。
林曉峰笑克勤拖女仔表情僵硬，又緊張得忘記歌詞，事後克勤解釋說：「合唱同獨唱版本唔同，我錄影節目好少失手，但我都係人，都有失手嘅時候，同對手冇關嘅，最多錄多次囉，可能我俾左麟（譚詠麟）感染。」
採訪：王崇穎
攝影：甄朝健