唔少人等到頸都長、暢銷全球嘅科幻小說《哈利波特》即將推出第五集，本書已經鐵定喺星期六全球發行，而數以萬本新書已經送抵本港，為防「洩露天機」，書店將啲書當國寶咁看待，重門深鎖。
新一集名為《哈利波特與鳳凰令》（HarryPorterandtheOrderofthePhoenix），各大書店已經搶先貼出海報廣告，十足十嗰啲不日獻映嘅暑期片王咁sell法。
今次第五集嘅篇幅比第四集《火盃的考驗》長三分一，超過二十五萬五千字，共有三十八篇，第一版就印成一千三百萬冊，出版商信心爆棚。
唔少書店已收到顧客預訂，有書店更加準備屆時提早喺朝早七點營業，減少讀者排大隊等候嘅時間㖭！
傳真︰2623-9278
電郵︰