名模AnaR.前晚在灣仔會展為髮型大賽擔任嘉賓模特兒，剪掉五吋秀髮駁長髮的伊人以性感女神形象示人，大感心痛。AnaR.又透露男友周立璟禁止她接性感內衣及泳衣Show，惜肉如金。
髮型界盛事「威娜世界潮流造型大賽03」前晚於灣仔會展舉行香港區選拔賽，並由星級髮廊O4Osmosis展出「O4‧零四」髮型滙演，AnaR.打頭陣以性感女神造型出場，與三十名模特兒演出hairshow。
AnaR.在舞台上隨意一站，長髮飄逸飛揚，型格十足。她透露首次在港任髮型展model，更需要犧牲秀髮，她說：「我做嘉賓模特兒，因為髮廊O4經常贊助我，佢哋請到我一定應承。為咗呢個show，剪咗成五吋幾頭髮，然後再駁假髮，我真係好掛住啲頭髮，好唔捨得呀，希望快啲留番長啲，我想染粉紅色㖭。」
自從成為男友周立璟（Brian）開設的模特兒公司的御用模特兒後，AnaR.更惜肉如金，她說：「Brian𠵱家會scan過我嘅工作，佢唔准我再行內衣show同泳衣show，大家都會有一段時間見唔到我咁性感囉！」
AnaR.又透露早前曾到美國探望母親，其後再到馬來西亞拍攝台灣電訊廣告，忙個不停。她說：「舊年工作好多、好複雜，今年我希望簡簡單單就好啦。」
而O4髮廊總監Pius透露髮型滙演籌備了一星期，問他為何不請緋聞女友楊崢行show？他說：「因為佢有洗髮水廣告合約在身，有牴觸，唔方便嚟。」Pius又透露來年時興繽紛多采的髮型，其中pastelcolour最in。
採訪：JessicaNgan
攝影：JerryYan
