差不多所有女性，只要見到「消脂美肌」呢四個字都會雙眼發光，無論需要花費幾多錢或者有幾艱辛都誓要達到目標。不過以下介紹嘅消脂美肌方法就又簡單又經濟，因為只要多吃綠豆薏米粥，憑綠豆的清熱解毒及降血脂功能，加上薏米便可達消脂、去水、美肌的功效。其烹調方法非常簡單，就算唔係烹飪高手一樣應付得到。
材料：綠豆5錢、薏米5錢、陳皮1塊、鹽適量
做法：將10碗水煮滾，再放入所有材料同煮至呈糜爛狀便可食用。
資料提供：良心製藥
今日喺大埔超級城，會有一個名叫「智叻玩具至HealthShow」嘅益智玩具展銷會舉行。場內會有HABA、世嘉、麥兜麥嘜等益智玩具展銷，更設有即場試玩，可以玩啱先買，重可以考考小朋友們的智慧及身手。
日期及時間：今日（上午11時至下午5時）
地點：大埔超級城C區美食坊
主婦們成日都要做家務，梗係要買番啲方便好用嘅家電幫吓手啦！𠵱家逢星期五、六、日去豐澤電器買家電就最着數，為期兩個月嘅「全城至抵，全家開心」優惠計劃已經展開，每個星期將會有數十款優惠產品。好似今個星期就有洗衣機及雪櫃，不論牌子型號，全部有九折優惠，要做精明主婦就唔好錯過呢個買平家電嘅機會喇！
售賣點：各豐澤電器
查詢電話：25555788
由香港房屋委員會舉辦嘅古典情懷樂繽紛已經去到最後階段，而壓軸節目「妙韻時空穿梭機」將會於今天舉行。到時麗花皇宮嘅劉雅麗、蘇玉華、馮蔚衡，以及年輕偶像Shine都會到場表演，唱盡每首耳熟能詳嘅懷舊金曲，跟大家回味過去的醉人歌曲。無論喜歡懷舊金曲又或是Shine的年輕女Fans都不容錯過。
日期及時間：今日（下午3時至4時）
地點：鯉魚門廣場