張學友昨日接受商台節目《爸爸早晨！媽媽早晨！》訪問時透露很想添丁，他說：「講係咁講，始終都要大家合作。老婆（羅美薇）暫時未有呢個打算，我都唔算好恨有嘅！」
問學友如何管教近三歲的女兒？他表示有時會很嚴厲，他說：「身邊有好多人錫佢，但係佢有問題我就會鬧佢，好似佢食飯坐定定都食成兩個鐘，如果四圍走咪食一日？」
學友續說：「如果佢唔啱我會體罰㗎！打手板囉，喺屋企我好人又做，惡嘅我都會做。」談到父親節，他則表示女兒年紀尚小未懂送禮物。
此外，有指學友將出席商台為紀念張國榮舉行的慈善音樂會，對此他說：「都未正式通知我，我都係今日先知有呢件事。個音樂會重喺初步階段，我未知能唔能夠出席。」
採訪、攝影：黃君怡