以一招「叫董建華送田螺」作推廣手法，搞到滿城風雨嘅本地大型連鎖餐廳「扒王之王」，噚日宣布將呢個推廣活動延長至聽日，餐廳董事總經理李德麟解釋，原本呢個推廣活動只係做到前日就完，但因為傳媒報道時並冇講清楚，為免市民誤會，餐廳決定將推廣期延長至聽日。
李德麟話，呢個推廣活動自推出後，大受食客歡迎，所以決定下周一至五，將呢個活動改為「叫鄭經翰送田螺」，因為鄭大班受市民歡迎，所以將董建華改為鄭經翰喎。
八方即刻問鄭大班介唔介意，佢聞言即哈哈笑：「一啲都唔介意，最好叫埋『打倒鄭經翰即送牛扒』重好㖭！」
傳真︰2623-9278
電郵︰