健身中心的確是減肥人士的戰場，入得去一定博到盡，出得嚟一定比以前Fit。剛為人母的Koko，得閒入戰場玩Yogalates，做收身Treatment，加埋營養餐單，三管齊下後，7個星期由157磅減到現在的110磅，已經瘦了47磅，比生BB前重Fit。
「Yogalates不像瑜伽HoldPose，好多動作都係連續性，感覺好似好優雅、好輕柔嘅舞蹈。這個是高難度動作之一，呢個動作要控制小腹及背部的肌肉，加埋手腳的協調性頭下腳上，初初覺得條腳筋有被拉斷的感覺，有時我做都要導師幫手先可以伸高隻腳。」
Yogalates是瑜伽及Pilates的結晶品，兩者互補不足，在沒有儀器的幫助下，以瑜伽方法玩Pilates，的確夠晒特別。Koko起初玩，好多動作都做唔到，要導師Nonie輔助，每當未能完成動作時便以笑遮醜，玩吓玩吓又一堂，開心又減到肥。「每個動作對身體都有幫助，不如等我示範畀你睇。」
「呢兩個是連貫性的動作，首先伸開雙腳拉緊雙腿的筋，把腰伸向左邊，感覺自己像樹葉般飄向另一邊後，屈曲膝頭再將手掂地。這個動作唔算太難，不過可以鍛煉及收緊手臂、腰、腹部的肌肉，做時真係覺得自己好輕飄飄，感覺好Relax。」
「玩Yogalates除了要配合音樂外，重要有自己的幻想。好似呢個拉筋的動作，前後腳拉筋外，重要幻想自己隻手被同伴拉向後，感覺要自然，唔可以用死力，否則就會弄傷腰骨。做時更要配合呼吸，啟發體內的氣，咁先至係Yogalates的精髓。」
「大完肚最緊要收腹，導師Nonie話呢個收腹動作最啱我。呢個動作好難做，要做到對腳似俾同伴拉起，又要將對手向腳部伸，將自己個身摺埋咁，少啲腰力都唔得。可能生完BB的關係，到𠵱家呢個動作都做得唔係太好。」
「除了有Yogalates同Treatment外，我重有營養師睇住我嘅飲食和進度，有時一個蘋果就當一餐，不過我多以蔬果為主，再配合肉類，始終囡囡重細，若果我無氣無力點湊BB呢？」雖然咁大個人仍要寫日記，但瘦咗嘅Koko覺得比以前較有自信，人又精神咗！
做完Yogalates，Koko通常會即刻歎番個Treatment。這個60分鐘的療程是透過紅外線溫熱治療，具收身、美膚的功效。為了令身體更吸收，事前要做個全身磨砂。「初初做磨砂都有點尷尬，但磨完砂敷個死海泥又真係好正，皮膚真係滑咗白咗，連我老公都話我索咗唔少！」
「磨完砂，技師會用遠紅外線電氈包住我，等我將身體入面嘅毒素和水份一一排出。其實瞓喺入面一啲都唔歎，重幾熱幾辛苦，每次焗完後全身都出晒汗，重勁過焗桑拿多多聲。沖完涼，個人真係鬆咗好多，未上磅都覺得自己輕咗幾磅。」
邊度有得做？
PhillipWain（23773888）療程收費：收身纖體計劃療程$6800
消脂Course
源於印度的瑜伽近日成為新興的KeepFit運動，加埋高溫的室溫，燒脂的效果更加好。PureYoga可說是Yoga的名牌，不少名流明星都是座上客，在焗到唞氣都有問題的地方下玩瑜伽，可出一身汗外，更可改善心肺功能。 費用：$200/1堂
PureYoga
查詢電話：29710055
地址：中環雲咸街60號中央廣場16/F
玩泰拳唔係男士的專利，自問靚女，想KeepFit又想防身，不如考慮呢種又激又唔悶的玩意。剛學泰拳的話，便以最基本的拳、腳為主，考驗體力及手腳協調能力外，學多點拳腳功夫，重可防埋狼，夜晚返屋企都唔怕。 費用：$1,000/8堂
K-1ThaiKickboxing&Fitness
查詢電話：28651608
地址：灣仔謝斐道98-108號仁文大廈2樓B室
怕做Treatment悶的話，跳FunkyDance是不錯的選擇。Funky的Fun即係開心地跳舞減肥，其舞蹈混入韻律舞、流行爵士舞及Pilates，在強勁的音樂下跳跳舞，舒展筋骨，加埋周遭舞伴的鼓勵，跳都跳得特別開心，持之以恒的話，你會發覺身體線條和皮膚都會變得特別靚。 費用：$560/4堂
林佩佩舞蹈工作坊
查詢電話：27391103
地址：九龍太子道西162號華邦商業中心1703至1710室
另一款新派瑜伽便是瑜伽舞，就是將瑜伽動作融入在傳統的印度舞中，所以跳起上嚟特別有印度Feel。其着重節奏，講求更高的注意力及四肢的協調和平衡，最啱好似我啲自問骨頭硬，又貪新意的人玩。 費用：$488/月
PlanetYoga
查詢電話：25258288
地址：中環威靈頓街1號荊威廣場20樓
芭蕾舞和Pilates同樣屬於優雅的運動，兩者配合，簡直優雅中之優雅，無芭蕾舞底子的人都啱玩。這種「舞蹈」可結實腹部、臀部的肌肉，並可收緊雙腿的線條，令體態完美，平日無乜運動的人，玩完必定出一身大汗，夠晒舒服。 費用：$810/4堂
曾雪麗芭蕾舞學院
查詢電話：29702228
地址：銅鑼灣羅素街38號205室
舒服療程
想試新鮮療程的話，這個「智慧型太空電腦纖體」療程必定啱你。療程首先會用電腦度高磅重及測脂等，然後再根據電腦顯示來進行纖體，纖體過程十分全面，包括減水腫的高速減壓太空衣、紓緩情緒的高頻光療靜心法、燃燒頑固脂肪的全能紅外線溶脂機，首次試做只是$288，平過一折便做到咁多Treatment，的確抵。 原價每次：$3,320
卓悅纖體水療中心
查詢電話：28081168
地址：銅鑼灣告士打道280號世貿中心6樓