擁有34C、23、34魔鬼身材的啤妹黃琛如，下周將起程到泰國拍攝寫真集，而擁有36D驕人上圍的李蘢怡（Tiffany）碰巧亦於暑假與啤妹同期推出寫真，難怪近日啤妹不斷積極keep弗，決正面迎撼Tiffany。
啤妹黃琛如（Eva）下周初將前往位於泰國的華欣，為其於暑假推出的處女寫真進行拍攝，擁有魔鬼身段的Eva為以最佳狀態示人，近日頻頻健身、游水及節食，三管齊下，雖然目前她的體重僅得一百零四磅，不過Eva仍嫌不足，希望能再減多兩至三磅。
據知另一位擁有36D上圍，兼且瘦身成功的李蘢怡（Tiffany），亦計劃於暑假出寫真，屆時二十歲的Tiffany便會與二十七歲的啤妹撼到正，Eva日前在中環接受訪問時便說：「可能呢排興拍寫真啩，我都有聽過Tiffany出寫真，大家都喺差唔多時間推出，不過大家嘅路線都唔同。」
Eva表示她在寫真中會穿三點式泳衣及性感晚裝，她又自備數萬元私伙服裝上陣，但她卻堅持三點不露的最後防線，她說：「我唔會露點，因為我睇唔到有幾多個人喺露點大解放之後，重可以喺呢行生存，我覺得有risk（危機）㗎，幾乎次次都死梗嘅，況且我今次拍寫真，亦都想留番畀自己留念，拍得靚至係最重要。」
問Eva在外地工作會否擔心人身安全問題，她說：「我唔驚，前年911嘅時候我去咗美國，早排SARS我又去咗廣州，好多嘢都係整定，當然我都會小心，唔會單獨去街，外出亦都唔會飲酒，而我大部份時間都會留喺度假村入面影相，成班人一齊，所以會好安全。」
採訪：朱芷瑩
攝影：陳志嵐
場地：Chin.G
服裝：Morgan
髮型：DerrickNg（Chin.G）
