前日民主黨主席楊森宣布絕食一百小時反二十三，噚日記者捉住民主黨立法會議員逐個問。
李華明拍心口話會認頭十個鐘，咁朝早到夜晚已經十個鐘啦，肥仔明於是加碼到十二小時，記者仍然唔收貨，肥仔明靈機一觸，話自己係立會食物安全及環境衞生委員會主席，點可以帶頭唔食嘢？張文光話自己有胃潰瘍，絕食得耐會胃出血，要問過醫生意見先。華叔咁啱行過，一臉嚴肅叫記者「問楊森啦」就走咗。
前任主席李柱銘話絕食期間自己要出埠；涂謹申則話可以應酬五十小時，單仲偕話自己玩過外展活動，一樽水可以撐三十幾個鐘，不過諗起到時絕食到一半返立法會開會，怕受唔住休息室嘅餅乾引誘。
傳真︰2623-9278
電郵︰