真係難怪窪塚洋介咁受日本年輕人認同，你有冇見過有明星大大方方喺記者面前認自己老婆曾經賣淫，重大大聲話唔介意，真係好鬼英。 噚日出嘅日本雜誌《Friday》，登咗窪塚嬌妻NON做舞蹈員時，喺大阪賣淫嘅相片，我羅拉睇到都嚇咗一大跳。點知記者訪問佢哋時，NON雖然好驚唔敢講嘢，但窪塚就即刻護妻話：「以前係點又點啫？最緊要係𠵱家檢點，我就絕對冇問題！」真係好掂！