曾多次得罪節目嘉賓的SMAP隊長中居正廣，日前在組合主持的《SMAP×SMAP》節目煮食環節中，接待少女偶像松浦亞彌。中居早前曾被指在同一節目中，刻意醜化松浦，幸而松浦似沒將此事放在心上，還大讚中居模仿她維妙維肖，其他SMAP隊員即附和指二人仿如兩兄妹。
中居早前化名MAYAYA，在《SMAP×SMAP》中扮松浦（AYAYA）唱歌，事後遭大批松浦歌迷杯葛，指中居令人覺得松浦諸多小動作扮可愛。
日前松浦出席《SMAP×SMAP》節目時，甫開場便對中居說：「我好鍾意MAYAYA，好多人都話好似喎！」中居見狀即「牙擦擦」地回應說：「我對呢個嘉賓真係清楚得不得了！」又即場再示範松浦唱歌時的小動作，令松浦忍俊不禁，並懷疑地問：「乜我真係咁揸咪㗎咩？」中居興奮地答：「係呀！係呀！」
至於草囗剛一見松浦即說：「見到松浦真人，真係覺得MAYAYA好似。」而稻垣吾郎亦附和說：「話佢哋係兩兄妹都得。」中居則懷疑地說：「係咩？我冇化妝喎！」