「嘿！嘿！嘿！」道場內不斷發出高昂叫喊。唔好以為玩空手道伸拳踢腿好似好粗魯，其實近年空手道已成為不少女性KeepFit的途徑。據女學員說，這門武術不單會令人愈學愈有興趣，更加唔使獨個兒做運動咁沉悶。而且空手道更是全身運動，眼見佢哋都身形勻稱兼體重唔過磅，絕對是修身的好方法！
記者：梁珮瑜 攝影：陳陶鈞
模特兒：GloriaWong
化妝及髮型：
逢星期一至三、五至六刊出
習空手道約1年的阿瑩：「除了愈學愈有興趣，我亦Fit咗好多，玩咗2個月就由110磅減到100磅，而且一直都可以Keep到，不會肥番。」
二十多歲的謝銘惠習空手道11年，現已升為教練，身高165厘米及體重105磅，好Fit。
「我以前身形圓碌碌，玩空手道就Fit咗，全身肌肉尤其大髀位都Firm晒！」
最近忙於拍廣告的Gloria較少運動，今次試玩空手道約1小時。「睇落簡單嘅動作，原來做落都有難度，不過好好玩，當KeepFit真係幾好！」
師承香港空手道總會(HKKF)副主席李志滿的馮華強教練：「𠵱家有好多女仔學這門武術，但就當運動咁玩，主要為KeepFit。因空手道是全身運動，尤其係對腰、手臂及腿有減肥結實的作用。」
其實玩空手道並不是想像中難，看Gloria第一次玩，都可以擺出一副似樣功架，就知女仔一樣都可玩得出色。
空手道始於禮、終於禮，座禮及企禮等禮儀好講究。這樣可以令自己更有規律，唔會咁易放棄，KeepFit都更有恒心。
手刀除了是攻擊動作，更可以減吓手臂肥肉，兼收拜拜肉。
前登腿是向前踢腿的動作，除了有助瘦腿兼結實大髀小腿，更可以令雙腿有線條美。
要學正統的空手道，就要跟合資格的教練分階段學習。例如香港正剛館的課程就分為四階，入門禮儀、基本動作、攻擊防守及對打等由淺至深，學費約$200一期，每期4至8課，每課1小時30分鐘至兩小時，視階段而定。
查詢：81039168
網址：