呢輪大家對沙士已經開始掉以輕心，噚日沙士疫情出現「雙零」㖭，好多人都以為少咗人感染，就可以大安旨意，除口罩，周街行。
但係八方一位喺有關部門工作嘅老友話，其實情況未有咁正，社區重有感染個案。君不見，個的士司機中招，就無從知道點惹返嚟。
咁又係真嘅，楊永強同陳馮富珍有幾何解釋到個啲無厘頭傳染點嚟？
八方個老友重話，唔係危言聳聽，一個唔好彩當中一個社區個案係位新毒王，就認真大大鑊，到時又要由頭嚟過。
睇番導致本港大批染病個案嘅中山醫學院教授劉劍倫個case，又真係好易由一個變幾十個，幾百個，真係冇眼睇，大家一於小心啲啦。
傳真︰2623-9278
電郵︰