立法會噚日開會，傾出年立法會選舉嘅條例草案，雖然呢條草案比較起《基本法》二十三條，可以話爭議性係零，但係法案委員會主席黃宏發唔知做乜咁好火，同班議員駁嘴駁到飛起。
八方睇真啲，發叔右邊面損晒，唔知係咪咁影響心情。
發叔話佢前兩日喺屋企後花園跌親，結果要去養和縫針，右邊眼眉對上額頭位總共縫咗六針，貼咗塊透明膠布，右眼角都有瘀痕，真係幾傷。佢開會用隻手托住個頭嘅時候，重露出右手背嘅傷痕，見到都知幾痛。
不過發叔就話係「閒事」，至於係咪飲咗酒行出花園跌親，佢就笑笑口話：「你話我飲酒就飲酒囉！」
（圖）發叔前兩日喺屋企後花園跌親，連手都傷埋，真陰功。 資料圖片
傳真︰2623-9278
電郵︰