「佢威水就好啫，𠵱家衰到貼地，搞到我成家都俾人恥笑。」年逾半百的董明，只是個普通貿易商人，想不到十六年前一個決定，令他近年不勝其擾，全因他的兒子與特首同名，「全街人都鬧董建華，即係鬧我個仔，我求神拜佛希望佢（特首）快啲消失，我個仔先有好日子過。」
唔怕生壞命，最怕改壞名，相信董明對此俗語感受甚深，他十六歲的大兒子叫董建華，十三歲的幼子叫董志華，英文名是TungCheeWah（董建華姓名英譯TungCheeHwa），「一個中文名一樣，一個英文名讀音一樣，啲人笑我兩個仔都係特首。」身為「特首之父」理應高興，但董明卻說有苦自己知，「九七年都唔覺有問題，當時特首重好得民心，點知愈嚟愈衰，𠵱家直情臭名遠播，令我兩個仔成日俾人笑。」
因董建華之名，這個四口之家生活在嘲諷聲中，「我去飲茶，夥計笑話特首老竇駕臨，我老婆買餸，街坊笑話讓董太行先，我個仔個老師都取笑佢，同學生講『佢係特首，唔好隨便得罪佢。』」他的兩個兒子備受困擾要求改名，但他與太太商量後，認為「唔應該避咗佢（特首）」，加上要支付律師費才可改名，因此至今未有行動，現時最大心願是董建華盡快下台，好讓兩個兒子重過正常生活。
入境處表示，市民申請更改姓名，要把所需表格連同律師見證簽署的「改名契」一併交回該處，繳交三百九十五元費用，十五個工作天後便完成手續，律師行的「改名契」收費由二百多元起，即是最低只需約七百元即可改名，甚至換姓。十一歲以下兒童申請改名毋須「改名契」，費用為四百二十五元，初生嬰兒在生日起計四十二日內，可免費在出世紙上改名。
本報記者