李安嘅《變形俠醫》下個星期就上畫，電影公司自然要力谷呢部戲啦，最近男主角艾力班納（EricBana）接受訪問時話，為咗滿足李安嘅要求，特別苦練跳彈床同瑜伽，增強身體彈性同彈跳力喎！另外，電影公司最近又同觀眾玩遊戲，如果估中企喺尖沙嘴地鐵站上面手郁郁嘅變形俠醫模型嘅三圍數字，就有機會去美國環球片場！