自己煮：
法國大廚扒大蝦孝敬爸爸

中國人的家庭，父親象徵權力。為了保持權威形象，爸爸總是唧都唔笑；所謂「慈母多敗兒，嚴父出孝子。」但人怎會不愛笑呢？尤其看見乖仔廚藝有成，能在星級餐廳煮得一手風味十足的法國菜，做父親的開心到連口味都轉埋，父子間的感情，亦因而日漸深厚起來。

記者：楊一凡　攝影：楊錦文
示範：阿偉（美孚讀者）
逢星期一至三、五刊出

雖然阿偉跟爸爸的感情，都算得上是不錯；但嚴肅的父親向來都很少稱讚他，但近一、兩年，老父對阿偉的住家法國菜讚口不絕，總是一臉滿足地點頭讚他「好味，真係好好食！」寥寥數語，令阿偉倍覺感動，下廚時亦更添自信。

為爸爸設計新菜
父親節就快到，阿偉有乜表示呢？他說：「在眾多肉類海鮮中，老竇最愛蝦，話夠晒鮮甜。今個父親節，我特別為老竇炮製番碟扒大蝦配青豆薯茸，用蒜茸同牛油扒蝦，鮮中帶香兼惹味，佢向來鍾意食濃味嘢，一定啱佢心水。」

鮮番茄醬法包
阿偉說：「法國人慣用牛油，故法式番茄醬也會加牛油，但在家裏煮就可轉用橄欖油，話晒都健康的，味道亦清新啲。」還未送麵包入口，鮮番茄味已撲鼻，感覺當然很醒神開胃。

用咩料：
牛茄 兩個
蒜頭 一瓣
橄欖油 2茶匙
胡椒及鹽 少許
麵包 適量

扒大蝦伴青豆薯茸
好奇問阿偉，大蝦不用醃佢半個鐘嗎？他笑笑說：「西餐重視新鮮，加鹽的作用係調味，唔係入味，因為蝦本身已有自己嘅鮮味，臨煎前酌量加啲鹽已經好夠。」大蝦在蒜茸和牛油的夾攻之下，鮮味盡情釋放，變得鹹香爽甜。

用咩料：
主菜：
大蝦 三隻
蒜頭 一瓣
牛油 2茶匙
鹽 少許

配菜：
薯仔 一粒
牛油 3茶匙
青豆 50克
黃燈籠椒少許伴碟用

3.在平底鍋裏加些少橄欖油，把大蝦煎熟，最後加牛油和蒜茸，有香味即可熄火。擺放次序是薯茸、大蝦、然後是青豆和伴菜。

煎鱸魚配暖薯仔沙律
老人家不習慣吃生冷食物，故此用暖薯仔沙律配襯鱸魚柳就至適合。鹹脆的煙肉碎令軟綿綿的薯仔添惹味，鮮甜的橙汁伴鱸魚，既能帶出魚的鮮甜，又迎合炎炎夏日。

用咩料：
主菜：
鱸魚 一條約十二両
橙 一個
葱 一條

沙律：
薯仔兩個
蘆笋兩條
煙肉一片
紅酒醋兩茶匙
芥末醬及欖油少許

好易煮：
1　注滿半鍋水，放入薯仔，大火煮十分鐘至薯仔熟透。　

2　鱸魚切掉頭部及起柳，撒些少鹽調味，煎至金黃色待用。

3　煙肉切粒煎香備用；在小碗中加些少芥末醬，然後加欖油、紅酒醋及胡椒，拌勻成沙律汁；加入切片薯仔和煙肉碎，攪勻。

醬汁製法：
1　先把半個橙起柳，半個榨汁，橙柳用作伴碟。

2　橙汁加葱花、欖油、胡椒和鹽作調味。上碟時依次放暖沙律、鱸魚柳、蘆笋和橙柳，最後才淋上適量橙味醬汁。