八方最近見到大紅人劉德華，覺得佢真係唔簡單，唔怪得有人話佢可以去競選第三屆特首。
話說佢老哥上個星期六同十多位沙士孤雛聚會，你估佢第一句嘅說話係乜？就喺下晝見小朋友前，華仔同七十幾歲嘅阿媽提起呢次會面，劉媽媽話記得代佢問候小朋友。
之後，八方問華仔有冇好難忘嘅經歷，佢竟然話：「冇乜大問題，上天對我好好。」到目前為止，無論身體抑或事業佢都好順利。其實華仔當日連一句「沙士」都冇提過。
一個藝人嘅任何動作可能都有佢自己背後嘅原因，或者要配合佢嘅新片、新歌；但係懂得不忘父母，多謝上天，呢個形象已經夠深入人心，唔怪得啲大人同細路都話要加入劉德華嘅歌迷會。老董唔知幾時識得學精吓，或者先從包裝入手，向華仔偷吓師。
（圖）劉德華同沙士孤雛見面時，第一句說話就係代劉媽媽向佢哋問好。
傳真︰2623-9278
電郵︰