大律師公會主席陳景生同上任主席嘅作風不大相同，佢講嘢比較慢條斯理，而且十分明白傳媒嘅運作。
好似講到公僕洩密嘅時候，陳景生就舉例話，你估有冇一個有公職在身嘅人，會攞住份文件畀記者睇，話呢份文件屬機密，只可睇不可登？佢就一定唔會信記者啦，重笑住話：「永遠不要告訴傳媒一些你不想見報嘅事情！」
呢句肯定係陳大狀肺腑之言，傳媒中人最怕受保密引誘，一見到機密或絕密兩字，即十分高興，所以無論係官方保密法抑或二十三條，都係傳媒死穴。
喺現時資訊流通得咁快嘅時代，政府為招呼班尊貴議員要講高度透明，重搞乜保密制吖。呢啲其實都係極權國家同戰爭時候嘅不光彩或有特殊需要嘅手法，應即廢除。
傳真︰2623-9278
電郵︰