AV陳列室：
名牌音響暑假Cool招
免費攞走七套JBL音響組合

JBL喺音響界屬響噹噹之品牌，為迎接炎炎夏日，更啱啱推出一款至型至Cool嘅JBLInvaderDVD家庭影院組合，保持高質素音色，銀色外形更畀人一種冰涼至Cool嘅感覺。今日《蘋果》讀者可以超抵優惠價買到呢套家庭影院系統，更有機會免費捧走佢㖭。
記者、攝影：徐影龍
ImgaeGirl：小蕙

這套JBLInvaderDVD家庭影院組合由名師KurtSolland所設計，成個組合以銀色為主要色調，一眼望落已經夠晒Cyber有型，尤其係幾個環迴揚聲器，火箭般造型相當搶眼美觀，直頭可當室內擺設咁襯家具。外形搶眼外，呢套家庭影院繼承JBL一貫高水準音色輸出，環迴揚聲器各設高、低音二路輸出，聲音還原度高兼定位清晰，加埋強勁輸出功率嘅重低音系統，令到音場豐富生色不少，配合套裝內嘅DVD機，欣賞大電影時臨場感十足，至啱睇科幻特技片同動作片，大大聲炸機夠晒投入。除咗接駁DVD機外，當然亦可駁PS2或電腦打機，震撼感肯定倍增。

至Cool鏡面DVD機
至於JBLInvaderDVD家庭影院組合中嘅DVD機，外形雖未如火箭設計般激，只屬傳統四方設計，不過就加入潮流至Hit嘅鏡面設計，搶眼度毫不比火箭揚聲器輸蝕。除有齊dts同AC-3兩種音效格式解碼功能外，插頭種類亦相當齊備，同軸、光纖、色差、S-Video通通落齊，更附有雙Mic卡拉OK功能，娛樂性攞滿分。支援光碟格式方面，包括DVD、SVCD、CD-R、CD-RW及MP3CD等，最正係連Kodak至出位嘅PictureCD格式都播到，數碼相玩家至啱。成套JBLInvaderDVD家庭影院組合，名牌音響加埋鏡面DVD機，賣價$2,688算幾抵玩。

《蘋果》讀者平$800
二千幾蚊買到套有賣相有音質嘅家庭影院組合，已經算抵玩，而《蘋果》讀者更獨享優惠，以$1,888就買得到，足足平咗$800，即係二千蚊唔使買到成套JBLInvaderDVD家庭影院組合，好過買大陸平價機，詳情可致電代理查詢。

答啱問題免費捧走型仔揚聲器
為進一步推廣JBL高質素揚聲器，代理思維集團專誠送出七套JBL多媒體揚聲器畀《蘋果》讀者（不包括DVD機），每套價值$1,688，讀者只要順利通過答問題及找不同兩關，就有機會免費獲得呢套咁有型嘅音響組合。

第一關：答問題
1﹒JBLInvaderDVD家庭影院組合由哪位名師設計？
A﹒BillGates
B﹒KurtSolland
C﹒Hulk

2﹒JBLInvaderDVD家庭影院組合附設甚麼功能？
A﹒卡拉OK
B﹒3D遊戲
C﹒寬頻上網

3﹒JBLInvaderDVD家庭影院組合支援哪種視訊？
A﹒色差
B﹒RF天線
C﹒VGA


第二關：找不同
請參照右圖，與左面大相有多少處不同的地方，並將答案填在參加表格上。

參加辦法
1.參加者須將答案填妥在參加表格內，並聯同個人資料*，傳真至27420542/23075869，即有機會獲獎。
2.遊戲時間為今日早上10:00至下午5:00，過早或逾時均作廢。每人只限參加一次，每次只可傳真一張表格，多過一張者以第一張為準。
3.答中所有問題而又最早傳真**的頭7名參加者各得到JBL多媒體揚聲器一套。
4.如沒有參加者答中全部問題，則以答中最多問題及傳真時間**最早者可獲獎。
5.得獎者將有專人以電話通知。
6.《蘋果日報》及思維集團員工、家屬不得參加是次遊戲。
7.《蘋果日報》對賽果保留最終決定權，參加者不得異議。
*參加表格上之姓名須與身份證相同，否則將被取消資格。
**以本報傳真機所顯示的時間為準。

‧必須憑報紙上的參加表格才可以參加遊戲。