房屋及規劃地政局局長孫明揚噚日首次以房委會主席身份登場，主持房委會大會會議，會後俾人質疑佢雙重身份，當房委會要向政府爭取利益時，究竟點樣平衡利益？好似當年房委會唔夠地起樓，都係王䓪鳴負責同政府拗數。
孫明揚承認係多少都有對立情況，但佢又好巧妙地答記者話，自己坐邊個位時就會代入角色，唔同角色會套用唔同立場，絕對唔會混淆，不過佢都強調自己唔會因此而精神分裂。
最令人欷歔係委員吳亮聲喺大會上話，今次係佢任內最後一次喺大會發言，多謝佢任內第三任主席聽佢講嘢。咁又係嘅，房委會主席喺短短幾年就換咗三位主席，王䓪鳴落台後輪到鄭漢鈞，𠵱家又換咗孫明揚，真係好難適應。
（圖）孫明揚噚日首次以房委會主席身份主持房委會公開會議。
傳真︰2623-9278
電郵︰