馬浚偉、張燊悅、嘉碧儀及陳敏之等,昨日在將軍澳電視廣播城為《秀身總有妳》擔任嘉賓。
早前曾以三點式拍照的張燊悅,昨日未有以性感裝束出現,問到她為何收斂性感,張燊悅說:「性感完啦,其實嗰輯相事前我都唔知會咁性感,可能係公司之前溝通有問題,去到先知只係借咗啲bra嚟影相,咁我又唔好意思推,最後咪影囉!」
對於上圍忽然變大,張燊悅即自爆照片由電腦加工,她說:「咁大梗係有用電腦加咗工喇,我都冇諗過出嚟會咁大!」
另外,馬浚偉表示自己向來不太欣賞女仔太瘦,問到他眼中哪位女藝人最弗,他說:「佘詩曼同張可頤囉!可頤嗰輯廣告好性感,弗得嚟又唔係好誇張。」
採訪、攝影:王崇穎