又到年中，大家都會記得舊年平機會主席胡紅玉嘅痛苦經驗，就係七月底約滿前四日先至收到何志平局長嘅通知，特首當時同意同胡紅玉續約一年，其他遲啲傾。話咁快又就嚟一年，阿董重未有任何消息，胡主席又要再一次「靜候佳音」；當然，今次有成年時間準備，阿董應該唔會再咁拖拖拉拉，於是八方問何局長有答案未？點知答案係：未有。
咁即係話要胡紅玉小姐繼續等啫。
呢個睇嚟就係老董嘅不變作風，乜都等到最後一分鐘，乜都諮詢一二三百人先至拍板，人都死啦。
八方唔知胡紅玉今次重有冇咁好耐性等佢阿爺嗰一紙聘書，當然阿爺重有絕招，就係將個位降級，搞到你冇晒癮。
傳真︰2623-9278
電郵︰