不少男士都話，最欣賞女伴一把長長秀髮，尤其摸上手有絲般滑的感覺，令人想入非非。所以話，護髮真係好重要，就算幾千年前的埃及妖后，一樣唔偷懶，自製花生護髮素，唔止頭髮又黑又滑，重唔怕甩頭髮㖭！
記者：羅惠芬 攝影：林栢鈞
模特兒：JoeyMa 化妝：Polly 髮型：Colin
服飾提供：Couple;及1;00p.m
傳說在古埃及時代，美豔絕倫的埃及妖后，經常用自製的花生護髮劑來保護被太陽曬傷的頭髮。直至今時今日，印度唔少女性仍然用此方法護髮。其實花生有促進血液循環的作用，不單止可以防止脫髮，更可以令頭髮生長得更好，難怪佢哋嘅頭髮都又黑又滑啦！
不過橄欖油及花生都較油膩，切忌直接塗到頭皮上，否則會令頭皮分泌過多油脂，好易有頭皮出現。
廣告都有話，頭髮浸Milkbath就最健康。現實生活中，日日同頭髮沖牛奶浴就太奢侈，退而求其次，每星期一次用牛奶護髮，就經濟得多。加埋有滋潤作用的蜂蜜，可以防止頭髮開叉及折斷，兼可以令頭髮柔順，乾性或受損髮質就最啱。
以為皇后妃子用的都是貴價貨，但楊貴妃就偏偏相反，護膚愛用蘆薈，護髮則愛用平到極的麵粉。麵粉護髮的道理好簡單，就跟阿媽用麵粉洗鑊一樣，貪佢洗得乾淨。用麵粉溝水當HairMask，有深層清潔作用，而且價錢重超平㖭！但記得唔可以用熱水溝麵粉，否則會漿實啲頭髮。油性頭髮或頭皮多就最啱用。
一代性感女星瑪莉蓮夢露，一頭髦曲的及肩長髮，又滑又光亮，性感誘人。而當時生果護髮好流行，夢露的護髮秘密就係含有豐富植物性油脂的牛油果。牛油果含有維他命E及蛋白質，尤其果內的卵磷脂成份，有極強的滋潤作用，用佢可以令頭髮柔軟有彈性。你都可以學夢露用牛油果護髮，頭髮一樣咁靚！
無時間自作業，可以用市面的現成護髮產品，專揀含有天然成份的產品，慳時間又夠健康。