愛快156由推出至今已有一段時間，或多或少會予人有看膩嘅感覺，而廠方響最近就為156四門版及Sportwagon旅行車型號，推出Facelifted新版，新車無論造型抑或性能表現，都予人有耳目一新之感。
由於四門及Sportwagon型號嘅Facelifted新版156，其造型設計除保留原有車系嘅神髓外，亦帶有不少新意念；如車頭鬼面罩、頭燈及尾燈等等都用上全新設計，從而令造型變得更具吸引力之餘，襯以四輪大口徑跑車合金胎軨組合，一份跑車韻味亦油然而生呢！
至於車廂布局方面，廠方亦有為其作出適量修改，如更新中控台布局及設備等等，當然唔少得重有寬敞闊落嘅車廂空間，以及承托力極高嘅座椅配搭，從而為車上乘客帶來倍見舒適嘅乘坐空間啦！另外，廠方亦會為選擇Facelifted新版156或156Sportwagon嘅用家，提供有多台引擎作選擇，如1.6T.Spark(120匹)、1.8T.Spark(140匹)、2.0JTS(165匹)及2.5V6(192匹)等型號，從而切合不同用家需要。唔知香港嘅車迷，幾時可與新車作近距離接觸呢？