許志安緋聞女友鄧肇欣日前與男模特兒Eddie合作，為一間婚紗公司拍攝廣告照。該公司過往以舒淇為代言人，但鄧肇欣流露的青春氣息獲青睞，成為新一代廣告代言人，有搶去舒淇飯碗之嫌。
劉德華旗下天幕力捧的新人鄧肇欣出道不久，在電影《給他們一個機會》跟許志安合作傳緋聞，知名度即時大增。
鄧肇欣自幼在荷蘭長大，但卻講得一口流利廣東話，她流露的青春氣息和一張新臉孔最近獲儷都新婚服務中心老闆宋豪輝青睞，邀任婚紗公司代言人。儷都上季找舒淇任代言人，鄧肇欣有搶舒淇飯碗之嫌。
問穿上婚紗的鄧肇欣有否燃起一顆恨嫁的心？今年二十二歲的她日前說：「我出道日子重好短，暫時都想以事業行先，應該三十歲之後先考慮結婚呢個問題。我憧憬嘅婚禮要好簡單，最好可以喺外國一個沙灘旁邊嘅教堂舉行婚禮，而我到時只會邀請至親好友嚟參加。」
問鄧肇欣的擇偶條件，可要跟緋聞男友安仔的條件相若？她說：「我希望將來嘅白馬王子要合眼緣、心地要善良，但樣貌唔一定要靚仔，因為靚仔份人未必會好nice。」
鄧肇欣續說：「其實重有一點要再三澄清，我同安仔嘅緋聞唔係真嘅，我連佢嘅電話號碼都冇，工作完後都冇再聯絡，我下次見到佢都唔會尷尬㗎。」
鄧肇欣日前跟男模特兒Eddie合作拍廣告照，二人扮新郎新娘非常稱職。婚紗公司老闆宋豪輝對於鄧肇欣的表現感到滿意，他說：「我太太張美璉呢次重特別幫佢設計咗一系列新款婚紗，佢都着得好靚。」而拍攝期間，鄧肇欣為保持甜美笑容，需要經理人在攝影師身後拿着零食引誘她。
採訪：比華利
