近日Beyond忙於籌備演唱會加場，三人前日在紅磡綵排，黃家強表示加場唱的歌曲與之前會有不同，與家駒同台的部份會保留，舞台機關則會有變動。
家強說：「點變就要賣關子，會出事係唔熟個舞台啫，我哋熟晒成個台。」提到Beyond前經理人陳先生將一首家駒遺作給予樂隊Bliss唱，家強對此說：「我冇聽過首歌，係咪真就要研究吓，佢講乜都冇所謂啦。」
黃貫中則說：「我哋冇印象唔代表冇，可能家駒作咗太多歌，唉！等於我唔喺度，都唔鍾意人哋摷我櫃桶，摷晒我啲嘢出嚟啦。」
家強又透露前經理人陳先生手上有約八首家駒遺作的試錄版本，他有五十年擁有權。問家強可有收過歌曲版稅？他說：「收過啲彈票嘅支票，有啲枱頭寫黃家駒，點攞呀？第一次出票就識寫我老竇名，好老土。」
黃貫中補充說：「唔係錢嘅問題，好乞人憎嘛，係操守問題。」
採訪、攝影：王連連