一到夏天，整個街頭例必是小背心的天下，上年女孩子的夏天Look，過頸幼帶背心大熱，今年當然又有一番新景象，幼帶背心的壟斷情況被打破，不難發現，無論街頭、明星界都出現背心黨兩大幫派，一派依然鍾情較女性化的吊帶背心，另一邊廂就擁護較Sporty的粗帶背心。當然，各有新着法，各自各精采。
記者：陸伊琳 攝影：梁細權、楊錦文
街頭粗幼背心Look
MeiMei 化妝師
今年都幾興戴賊仔帽來襯背心，自己亦喜歡這個Look，簡單得來又不太過女性化，個人最喜歡入膊款式，會顯得膊頭橫些。
今年異軍突起的粗帶背心，其實熱得有道理，粗帶鬆身設計，身材冇咁正都可以放膽着。身形魁梧、背部肌膚不夠滑溜、A字膊等穿幼帶背心的大忌，都可以統統不理，像我這般虎背熊腰，不行性感的人，不用再密密實實，辜負了美好陽光。收斂了爆棚的女人味，一親我愛的健康中性形象，最重要是可掩飾我的BabyFat，睇睇街頭的姊妹們如何演繹今夏的頂頭大熱Look！
明星示範
GiGi變型女
玉女掌門人GiGi亦拋下純情形象，棄吊帶愛粗帶，加入型女行列。
Hawaii 學生
今年夏天買了多件不同顏色但同款的背心，一口氣穿它兩三件，玩顏色配襯，除了可掩飾過瘦的身形，又可慳錢。
Suzuki 平面設計師
着背心最忌背部長滿暗瘡，雖然我沒有這個煩惱，但還是會選粗帶背心，因為Figure唔夠好嘛。怎樣才着得好看？有咁搶眼着到咁搶眼囉！鮮色殺晒。
琪琪 家具設計師
着背心最好看就是有健康膚色加上平胸，帶點中性味道，就至有型。
阿Ling 採購員
我最有自信的部位就是鎖骨位，不太瘦又不太肥，所以經常着幼帶背心，呢件中國Feel嘅，我最鍾意，夠特別嘛。
雖然話粗帶大熱，但清涼感十足的幼帶背心依然大行其道。幼帶背心其實最蝦人着，着的人一定要好有自信，二是要骨肉勻稱，切忌A字膊。今年街頭的「幼帶幫」，似乎一樣以鬆身為主，胸前一字的款式就最有人氣，至於過去兩年大熱的過頸款式，今年似乎已淪為闊背心下的陪襯品了。
明星示範
何超儀多咗女人味
穿上吊帶背心的超儀，少了點硬朗，多了點女人味。
Joey 學生
吊帶背心比較可愛及女仔，我呢件膊頭縛繩，有啲七十年代Feel㗎，加埋個髮型係咪襯到絕呢？
李麗蕊示範
自稱背心超級擁躉的李麗蕊，話要提醒大家，着背心最要小心就是兩側近腋下的鬼祟肉，會不知不覺間跑了出來，十分難看。佢話大家一定要學學佢呢套耍家手部運動。做得多，肌肉夠Firm自然好看，再盡情曬一身健康古銅膚色，要均勻天然。佢就最鍾意喺屋企天台裸曬，你呢？
學嘢啦！