陳豪與左慧琪昨日首度合作拍攝婚紗廣告，兩人表現有點拘謹，陳豪笑言因左慧琪穿的宮廷服太性感，令他不便親近。原來陳豪本屬意與陳慧珊拍這個廣告，但他對於未能與緋聞女友合作不會失望，因有廣告拍已心滿意足。
左慧琪與陳豪昨日往九龍塘羅浮宮婚紗店拍攝廣告，兩人都表示對酬勞感到滿意，由於他們是首次合作，加上陳豪昨日凌晨才收工有點倦，所以昨日二人表現有點拘謹。陳豪笑說：「左慧琪着起呢件宮廷衫，我想親近都唔係咁方便。」
有報道指陳豪的經理人公司曾建議找陳豪的緋聞女友陳慧珊做廣告女主角，羅浮宮婚紗店的老闆娘說：「你哋點知㗎？係陳豪經理人公司提議嘅，但係我哋最後都係想配合番宮廷呢個主題，所以同陳慧珊傾都未傾過。」
陳豪則表示不知此事，他說：「呢啲嘢梗係老闆娘話事㗎啦。」問他今次未能與陳慧珊合作，會否失望？他說：「有廣告拍重點會失望呢？」
問左慧琪為何與陳豪表現拘謹？她說：「我哋平時喺TVB見到都係打個招呼，今次先算係正式認識㗎咋。」這個廣告是左慧琪入行以來拍攝的首個廣告，她表示會儲起酬勞作讀書之用。
左慧琪說：「我重有兩年酒店管理課程未讀完，或者明年會返英國讀埋啦，不過要離開香港，我會唔捨得屋企人。」她現時與外籍男友感情穩定，問她何時披嫁衣？她說：「冇咁快，不過我真係好鍾意着婚紗，之前拍MV都着過幾次婚紗㗎啦。」 採訪、攝影：CamelLok
