莫可欣近日收身成功，減了二十五磅，日前她穿上多款三點式泳衣，到泰國為纖體公司拍廣告照。她表示收身後，最滿意是胸部並沒因此「縮水」，而男友方中信更讚她：「呢次最叻。」
莫可欣自跟方中信拍拖後，心廣體胖，體重直線上升至一百三十八磅，更有朋友懷疑她未婚懷孕，令可欣決心減肥。近日她便獲卓悅纖體美容中心邀請做代言人。
莫可欣表示經過五個星期的療程，已減去二十五磅贅肉，日前隨同攝製隊到泰國布吉拍攝新一輯廣告相，並穿上三點式泳衣，展示驕人成績。
問到莫可欣現在最滿意身體哪一部份？她日前在電話訪問中說：「其實都好平均，但我好滿意個胸，因為就算減咗肥都冇細到。呢次收身成功，營養師都教曉我要飲食均衡，我以前飲食習慣好唔健康，中午成日食好少嘢，到晚上食量就變得好大，唔經唔覺就肥咗好多。不過呢次收身後，我會好好keep住。」
據知莫可欣在減肥期間，方中信經常鼓勵她，可欣說：「係呀，佢好支持我，佢重讚我咁多年嚟做嘢，呢次最叻。」問她會否很快當新娘子，她說：「應該唔會住，因為我呢次減肥主要為自己健康，唔係要為身邊人，而且我好滿意𠵱家大家嘅關係。」可欣又表示一向身邊都不乏追求者，看來方中信現在要看緊女友了。
另外，對於有報道指可欣是取代佘詩曼做卓悅代言人，她說：「我諗冇呢件事，應該唔係取代人哋，只係卓悅需要唔同類型嘅代言人啫。」
採訪：比華利
